Nisaar

December 15, 2007

aye dil-e-naadaaN aye dil-e-naadaaN
aarazoo kyaa hai, justajoo kyaa hai

hum bhataktay haiN, kyuN bhatakatay haiN dashta-o-sehraa meiN
ayesaa lagtaa hai, mauj pyaasee hai apnay daryaa meiN
kaisee uljhan hai, kyuN ye uljhan hai
ek saayaa saa, rubaru kyaa hai

kyaa qayaamat hai, kyaa museebat hai
keh naheeN sakatay, kis kaa aramaaN hai
zindagee jaisay khoyee khoyee hai, hairaaN hairaaN hai
ye zameen chup hai, aasamaaN choop hai
phir ye dhaDkan see chaar su kyaa hai

aye dil-e-naadaaN
ayesee raahoN meiN kitnay kaaNtay haiN
aarazuoN ne har ek dil ko dard baante haiN
kitnay ghaayal haiN, kitanay bismil haiN
is khudaee meiN ek tu kyaa hai.

____________JaN Nisaar Akhter

Advertisements

hijaan

December 10, 2007

mw1.jpg

seh rahae haiN dard-e-dil
aur hijratoN ke azaab bhi
Bikher rahee hai khekashaaN
aur hamaray khwaab bhi.

__hajr

Dil hee tou hai

December 7, 2007

Dil hee to hai na sang-o-Khisht dard se bhar na aaye kyon ?
royenge ham hazaar baar, koee hamein sataaye kyon ?

Dair naheen, haram naheen, dar naheen, aastaan naheen
baithe hain rehguzar pe ham, ghair hamein uthaaye kyon ?

Haan wo naheen khuda-parast, jaao wo be-wafa sahee
jisko ho deen-o-dil azeez, uskee galee mein jaaye kyon ?

‘Ghalib’-e-khasta ke baghair kaun se kaam band hain ?
roiye zaar-zaar kya, keejiye haay-haay kyon ?

________ Ghalib

+ | +

December 5, 2007

v.jpg

Qasmi questions his Creator

December 4, 2007

terii rahmat to musallam hai magar ye to bataa
kaun bijlii ko Khabar detaa hai kaashaanoN kii

Couplet can roughly be translated as,

There’s no doubt in my mind that you are Merciful
but tell me who sends down thunderbolts to ruin our nests(abodes)

_ Ahmed Nadeem Qasmi

serpent.jpg

Dil ke taar

December 1, 2007

Dil ne likhi ek kitaab
her safhe pe likha lafz ‘pyaar’ (safhe–page)

ankh ne dekha ek khaab
tabeer thi jiski fasl-e-bahaar

chun leya hathoN nay phool
aur thay qismat maiN talwoN kay khaar

na chero ab tum dil ke taar
na chero ab tum dil ke taar

Dil doob gaya derya ke paar
hai ankhooN maiN maazi ka ghubaar

ao ab khailaN aisa khail
jis maiN ho na kisi ki haar

na chero ab tum dil ke taar
na chero ab tum dil ke taar.

________hajr